ACTIVIDADES DE EDUCACIÓN INFANTIL
(Curso 2006-2007)
¡COS PELOS DE PUNTA!
A biblioteca do centro organiza actividades para que tódolos nenos se acheguen a ela.
Estas semanas tratará “os nosos medos”. Estará ambientada para a ocasión, os nenos de tres anos fixemos dous murais: a bruxa e o vampiro.
Na biblioteca lemos o conto: “A bruxa regañadentes”
Tamén na clase traballamos este tema.( Pintamos un castelo, e cada neno fixo a súa pantasma, tamén pintamos bruxas e unha casa para a bruxa).
¿A qué lle temos medo os nenos de tres anos?
- Teño medo ó lume. (Silvia)
- Eu ás pantasmas. (David)
- Teño medo ós animais da selva. (Javier)
- Ós tigres. (Xoel)
- Ós lobos. (Carmen)
- Ós leóns. (Naroa)
- O lume tamén me da medo a min. (Eric)
- Ás serpes, un día entraron no meu coche, leveinas eu no colo, axudoume papá, estaban cos lobos pero non comeron a papá porque levaba unha escopeta, eu pegueille cunha escopeta de mentira. (Antía)
- Eu teño medo á raposa, vin unha en Pontedeume que non me deixaba pasar co coche e despois pillámola. (Elia)
- Teño medo ós tigres que os vin en Pontedeume. (Tomás)
- Eu téñolle medo ó raposo que o vin na casa do abuelo Luis, iba comer as galiñas, ós gatos non, porque non lle gustan e o padrino pegoulle. (Uxía)
- Ós coches grandes. (Eyob)
- Teño medo ó meu coche porque se está encendido atropéllame. (Mario)
- Teño medo ós lobos porque ó mellor estou so e vou polo monte e me ve un lobo. (Adrián)
- Teño medo ós tronos, que tronaba na Capela, donde estaba Manu. (Javier)
- Teño medo á escuridade. (Silvia)
- Non teño medo á escuridade porque non hai nada. (David)
- Mamá mañá quéreme levar onde están os morcegos, eu ós morcegos téñolles medo, non quero ir.(Uxía)
