REMENDOS: 05/01/2011

29/5/11

Preparando o rincón do proxecto: "Os cabalos"

Nacemento do cabalo

O cabalo é un animal mamífero.

Mirade como se vai formando na barriga da egua!

Resultado de imaxes para gestacion de un caballo

26/5/11

Plantación

Hoxe fomos plantar ao Bañal. Plantamos buxos.
Imos facer un labirinto coa silueta da tartaruga que é o logotipo de AMA (Aula de Medio Ambiente).

Primeiro plantamos e regamos. Facíanos moita gracia sacar a auga do pozo por medio dunha palanca que subía e baixaba. Tamén xogamos e merendamos con bo apetito.

25/5/11

O cabalo

Bits de Inteligencia: Los Caballos

View more presentations from Lourdes Giraldo

Seguimos co proxecto dos CABALOS. Fai uns días escribimos unha carta para as mamás e papás para que nos axudaran a buscar información dos cabalos. Cada neno e cada nena vai explicando e mostrando a información que trae da súa casa. Xa temos ferraduras dos cabalos, fusta, libros, vídeos, debuxos ... todo para o rincón que estamos preparando para este proxecto.

Hoxe falamos das carreiras de cabalos. Decidimos facer unha carreira, cada neno/a pintou o número que levaría para identificarse na carreira, xa que todos/as seríamos cabalos.

24/5/11

Cumpres de Andrea e Noa

Hoxe celebramos os cumpres de Xulián e de Andrea. Viñeron as súas mamás e preparamos entre todos unha tarta riquísima. Tamén houbo máis sorpresas!

Cumpre de Andrea e Xulián - diapositivas

21/5/11

Sol e sombra

Ós científicos do Monte Caxado seguimos investigando. Como recordaredes dedicamos dous días da semana ao proxecto da ciencia coa profe Oliva e con Daniel e Leila da clase de cinco anos, que saben moito.
Empezamos a investigar sobre o SOL: cómo é, que fai, ónde está. Comezamos coas nosas hipóteses:

- Está no ceo. (Érika)

-Está detrás das nubes. (Miguel)

-Ten raias. (Xulián)

- É amarelo. (Daniel)

- Quenta ás persoas, ao río e o lago das Pontes. (Lara)

Cada neno/a pintou o seu sol.

E saímos ao patio para observar o Sol cun carrete de fotografía sen usar. Foi estupendo, porque vimos moi ben o Sol.

Tamén observamos as sombras que se producen. Pintámolas cunha tiza branca.

O sol e os planetas:

18/5/11

O cabaliño vermello

Proxecto: Os cabalos

Hoxe decidimos por votación comezar un novo proxecto.
Saiu gañador o proxecto dos CABALOS, proposto por Xulián, pero so por un voto, xa que o proxecto das PALAS E TRACTORES, que propuxo Óscar, tamén tiña moitos seguidores.
Na asamblea fomos falando e apuntando todo o que sabíamos e despois debuxamos un cabalo.
Tamén escribimos unha carta para os papás e mamás para que nos axuden a buscar información, buscaremos na Biblioteca e tamén en Internet e con todo o que atopemos iremos formando pouco a pouco o rincón do proxecto dos CABALOS.

cavalls

17/5/11

Lingua minoritaria, vídeo de Manuel Núñez Singala e Manuel Bermúdez Blanco
Manuel Núñez Singala e Manuel Bermúdez Blanco, do Servizo de Normalización Linguística da Universidade de Santiago de Compostela, prepararon este vídeo divulgativo sobre o galego:

17 de Maio Día das Letras Galegas

Cada 17 de maio Galicia honra as súas Letras e a súa Lingua.
Este ano o homenaxeado é Lois Pereiro.

16/5/11

Festival das Letras Galegas

O xoves fomos ao Cine Alovi. Celebramos "O Día das Letras Galegas".
Os nenos e nenas de tres anos bailamos "A saia da Carolina".
Fixémolo moi ben e tamén nos portamos moi ben atendendo ás actuacións doutros cursos.

Tamén se repartiron os premios do concurso de reciclado de AMA (Aula de Medio Ambiente) e do concurso que convoca a ANPA polas Letras Galegas , tivemos un premio colectivo para a toda a clase nos dous concursos. Os premios consistiron en material para o rincón da cociña e o libro disco "Na punta do Pé" da Editorial Kalandraka.

15/5/11

Libro de Maruja Mallo

Proxecto Maruja Mallo from Ángeles López

14/5/11

A saia da Carolina.

Toca bailar "A saia da Carolina".

11/5/11

Contos na Biblioteca

Onte fomos á Biblioteca e cando estábamos alí chegaron os nenos/as de 4º da E.S.O. que xa nos coñecen do Día do Libro que intercambiamos contos.
Alegráronse moito de vernos e quixeron contarnos un conto: "O gato lambón".