remendos

PROXECTO: O AIRE

2012-02-02T00:59:00.000+01:00

Os científicos dedicamos os xoves a investigar, e como xa sabedes neste momento investigamos sobre o aire.

Para seguir a nosa investigación temos estes vídeos interesantes.

O aire que respiramos:

Experimento

DÍA DA PAZ E NON VIOLENCIA

2012-01-31T00:05:00.000+01:00

Algunhas imaxes do Día da Paz e non violencia.

EDUCACIÓN MEDIOAMBIENTAL

2012-01-29T20:48:00.000+01:00

O xoves 26 de Xaneiro celebramos no colexio O Día da Educación Ambiental. Leváronse a cabo diferentes actividades tratando de concienciar aos nenos e nenas dun tema tan importante como é o Medio Ambiente.
Os científicos de catro anos retomamos a investigación nos proxectos científicos que xa comezáramos en tres anos.
Eleximos o Proxecto: Aire, que tamén o están desenrolando os nenos e nenas de tres anos. Deste xeito poderemos investigar xuntos.
Na asamblea fixémonos moitas pregunta:
- Quen son os ciéntificos?
- Que é o aire?
- De que está formado?
Despois vimos o seguinte vídeo:

Para saber se no patio facía vento fixemos un xoguete cunhas tiras de papel de seda.

Comprobamos que non facía demasiado vento.

Outra actividade que fixemos, esta vez cos nenos e nenas de Primaria e a profe Blanca foi reciclar o aceite vello e convertelo en xabón.

O MEU NOME EN ÁRABE

2012-01-27T22:25:00.000+01:00

Investigamos e descubrimos cómo se escribe o noso nome en árabe.
Fai clic no enlace seguinte: O meu nome en árabe

DANZA PERSA

2012-01-27T22:02:00.003+01:00

Os nenos e nenas de tres e catro anos e a profe Oliva bailamos unha danza persa.
Despois do baile acabamos facendo unha sesión de relaxación.

ATLAS INTERACTIVO DOS PAISES DO MUNDO

2012-01-24T22:12:00.003+01:00

Como falamos duns países tan lonxanos necesitamos buscalos no mapa. Pinchando no seguinte enlace podemos atopar todos os países do mundo:

ATLAS INTERACTIVO DOS PAISES DO MUNDO

PROXECTO: MERCADO PERSA

2012-01-20T20:45:00.001+01:00

Estamos preparando a clase para montar un mercado persa. Comezamos por facer o mural que imos completar pouco a pouco.

Pero a sorpresa tivémola hoxe cando nos invitaron os nenos e nenas de tres anos a ir á súa clase porque estaba alí unha bailarina da danza do ventre.

PESO E MEDIDA

2012-01-20T20:10:00.002+01:00

Aínda que levamos uns días sen publicar os nosos traballos seguimos facendo cousas novas.
Despois de investigar coa axuda das familias o noso peso e medida ao nacer, ao ano, aos dous anos e aos tres anos pesámonos na clase e medímonos porque queremos saber o peso e medida neste momento da nosa vida, é dicir aos catro anos. Tamén fixemos comparacións entre uns e outros.

ALÍ BABÁ E OS 40 LADRÓNS

2012-01-20T01:20:00.000+01:00

MERCADO PERSA

2012-01-17T18:01:00.000+01:00

Xa temos elexido o tema do entroido. Este ano imos formar entre todos os cursos un mercado persa. A idea saiu de Marita, a profe de música, pensando nunha peza musical do compositor inglés Ketelbey e que lles encanta a todos os nenos e nenas. O compositor intentou pintar con música o bullicio dun mercado de Bagdad.

A obra componse de dez cadros, fáciles de recoñecer:
Cadro 1: Chegan os mercaderes cos seus camelos.
Cadro 2: Pobres pedindo esmola.

Cadro 3: Aparece a princesa co seu séquito.
Cadro 4: Xuglares e saltimbanquis saltan, fan piruetas xirando arredor da plaza
Cadro 5: Oense aos encantadores de serpes

Cadro 6: O califa pasa solemne co seu séquito, silencio...
Cadro 7: Outra vez os pobres.

Cadro 8: A princesa prepárase para saír.
Cadro 9: Os camelos continúan o seu camiño e a xente vaise indo.
Cadro 10: O mercado perde animación, a música é cada vez máis suave. Todos se van , coincidindo cos acordes suaves, secos. A obra acaba cun acorde forte.

De aquí ao Entroido ademáis de ir confeccionando os traxes tamén imos transformar a nosa clase nun mercado persa.

Haberá princesas, califas, encantadores de serpes, saltimbanquis, vendedores de alfombras,....etc.

CONTO: ¡SAL, BEBÉ!

2012-01-14T21:38:00.001+01:00

A NOSA BIOGRAFÍA

2012-01-13T17:56:00.003+01:00

Estamos comezando un novo proxecto. "A nosa Biografía"
Coa axuda das familias os nenos e nenas investigarán datos importantes da súa vida dende o seu nacemento, ou incluso antes, xa que estes días falamos de cando estaban na barriga das mamás.
Tamén dedicaremos bastante tempo a falar dos irmáns, dos que xa temos e dos que están a punto de nacer (así sabemos como van asimilando eso de deixar de ser fillos únicos).
A primeira ficha que resolveron foi a do seu nome, apelidos, e data e lugar de nacemento.
Comprobamos que moitos coíncidian no lugar de nacemento, outros coincidían no mes de nacemento e todos e todas coincidían no ano de nacemento: o 2007.

Andrea vai ter unha irmaíña para o mes que ven e na asamblea falamos moito dos bebés. Xurdiron moitas preguntas e... quén mellor que a nai de Andrea para explicarnos?
Onte tivemos a sorte de tela na nosa clase coa "fermosa barriga" que tanto nos gustou.

MÚSICA E PINTURA

2012-01-01T23:20:00.000+01:00

Imos comezar o Ano Novo con música e arte...

As pinturas de Chagall reflicten a resonancia dos soños e das fantasías, ao tempo que se inspira nas tradicións populares rusas e a herdanza xudía.

MUSIC PAINTING

2011-12-27T19:27:00.000+01:00

XOGOS DO NADAL

2011-12-23T21:58:00.000+01:00

A nosa amiga Ana do blog Aula Tic preparou este Glogster con cantidade de xogos. Dámoslle as grazas por compartir todas estas actividades que ela fai.
Facede click nos debuxos:

BO NADAL!

2011-12-22T23:55:00.001+01:00

Seguindo con música e arte aquí vos deixo esta postal do Nadal feita por
Andy Warhol. (Warhol encargouse de diseñar as felicitaciones do Nadal para
Tiffany´s durante varios anos)

Na clase tamén tivemos unha pequena festa. Quixemos despedir a Érika que xa acabou o período de prácticas. Ímola votar moito de menos polo traballadora que é aportando moitas ideas e polo cariñosa que é cos nenos e nenas. Desexámoslle moita sorte e esperamos que nos siga visitando sempre que poida.Despois no pabillón rímonos moito cunhas pallasas.

AS NOSAS CAIXAS

2011-12-22T00:23:00.000+01:00

Recordades unhas caixas?. Pasámolo moi ben con elas. Primeiro decorámolas (pintándoas, pegandolles papeliños, etc). Despois cada neno e nena elexiu o personaxe que quería ser e presentábase co son da súa caixa.
Finalmente inventaron un conto entre todos. A que vos gusta?

AS GUITARRAS DE PICASSO

2011-12-21T00:42:00.002+01:00

Entre as creacións de Picasso figuran collages, debuxos, pinturas e esculturas de guitarras. Son creacións de pequeno formato que fixo no seu estudio.
Nosoutros tamén creamos unha obra de arte estilo Picasso.
Pintamos unha guitarra e despois cada neno/a recortouna en tantas pezas como quixo. Noutra lámina pintou o fondo e compuxo o seu cadro abstracto.

"OS TRES MÚSICOS " DE PICASSO

2011-12-20T16:15:00.001+01:00

Representamos o cadro de Picasso "OS TRES MÚSICOS"
- Facemos un "cadro vivo" cos tres personaxes.
- Tamén o interpretamos por medio dun collage.

O guitarrista cego de Picasso

2011-12-20T16:03:00.000+01:00

Esta obra de Picasso pertence ao período azul.
Picasso utiliza a cor azul para transmitir frialdade, tristeza, melancolía. Nosoutros despois de observar e comentar o cadro facemos a nosa versión utilizando tamén cores frías coma as que utilizou Picasso.

Conto musical: "Pedro e o lobo"

2011-12-18T21:00:00.001+01:00

"Pedro e o lobo"

2011-12-18T20:17:00.000+01:00

Asocia os sons dos instrumentos cos movementos dos animais.

Pincha na imaxe

;

O lago dos cisnes

2011-12-15T18:46:00.003+01:00

Bailarines ou acróbatas? Fantástico!

O home orquestra

2011-12-14T20:00:00.003+01:00

Seguimos coa música nesta historia tan divertida.

ALEGRÍA

2011-12-11T11:26:00.001+01:00

Onte tiven a sorte de asistir ao gran espectáculo do Circo do Sol en Santiago. (Alí estábamos Oliva e máis eu en primeira fila gracias a que alguén que lle interesaba máis o fútbol nos vendeu as entradas). Encantoume todo: música, vestuario, pallasos, .... Saes do circo aínda sumerxida nun mundo de fadas, magos e criaturas fantásticas. Non pode describirse con palabras, hai que velo!
ALEGRÍA fai moita falta para os tempos que corren!

A canción está en tres idiomas. Esta é a parte en español:
Alegría
Como la luz de la vida
Alegría
Como un payaso que grita
Alegría
Del estupendo grito
De la tristeza loca
Serena
Como la rabia de amar
Alegría
Como un asalto de felicidad.

10 de Decembro. Día dos Dereitos Humanos

2011-12-10T17:28:00.001+01:00

MON AMOUR. HISTORIA DE MUROS
Mon Amour. Historia de muros é un vídeo de Maysun Cheikh Ali Mediavilla, galardoado co primeiro premio en LÚMEN_EX 2010 Premios de Arte Dixital / Digital Art Awards Universidade de Extremadura.

Escoitemos estes sons.

2011-12-04T20:02:00.001+01:00

Escoitemos os sons producidos por estes obxectos ao chocar, ao caer ou rozar una cos outros. Neste anuncio non hai máis sons que os producidos poe estes obxectos.

Cumpreanos de Noa e Daniel

2011-12-04T09:49:00.001+01:00

O pasado xoves celebramos na clase os cumpres do Primeiro Trimestre. Noa e Daniel xa teñen catro anos!
Coa axuda dos papás e mamás preparamos unha gran festa. Traballamos moito facendo galletas e unha tarta. Saiunos todo moi, moi rico! FELICIDADES!!!

CUMPREANOS DE NOA E DANIEL - diapositivas

Os tres músicos

2011-11-30T16:41:00.001+01:00

Facemos o puzzle do cadro:"Os tres músicos"

Coñecendo a Picasso

2011-11-27T20:41:00.001+01:00

Los Tres Músicos. 1921 Pablo Ruiz Picasso

Estamos analizando este cadro de Picasso. Imos dicindo o que vemos:

- Un frautista cunha frauta. (Óscar)

- Unha sombra do lobo. (Érika)

- O rabo do lobo. (Mateo)

- Un parece un pallaso porque ten a roupa coma un pallaso. (Noa)

- Un músico cunha guitarra. (Andrea)

- Notas musicais. (Daniel)

- Tenas un que parece un rei mago. (Xulián)

- Un músico ten barba e outro sombreiro. (Miguel)

Tamén buscamos un título para este cadro. Ao final acabamos acertando o título que lle puxo Picasso.

View more presentations from mlviky

CAIXAS

2011-11-26T22:37:00.001+01:00

Todos temos unha caixa, Como queremos que sexa a nosa caixa? Ímola personalizar, decorala ao noso xeito. Temos á nosa disposición papeis, teas, pinturas, gomets,....tesoiras, pegamento, brochas...
Xa pensamos algunha actividade para cando estén listas.
Mans á obra!

Os instrumentos musicais

2011-11-22T16:02:00.001+01:00

Conto: "Un rato no piano"

2011-11-21T01:02:00.001+01:00

Bemol Pispante é un rato. Él ama a música e por iso vive nun piano. O resto dos ratos que viven na casa no o entenden e pensan que está loco porque podería ser descuberto polo propietario do piano...

Ensinamos a portada do libro e preguntamos aos nenos e nenas qué ven , qué pasará nese conto:

- Vexo un rato e outro rato detrás do piano. (Miguel)

- O rato está tocando o piano. (Andrea)

- Vexo letras. (Noa)

- Un ratiño está sentado no piano. (Daniel)

- Son bloques. (Óscar)

- Chámanse teclas. (Daniel)

- Teclas do piano. (Mateo)

- O rato está nun piano porque ten estas teclas negras e brancas. (Xulián)

- Estará tocando. (Mateo)

- Ou descansando. (Érika)

- Pode estar correndo por enriba do piano. (Xulián)

- Ou pensando. (Óscar)

- Está oscuro. Están un pouco tristes. (Miguel)

.......

O teatro na Educación Infantil: O neno é un mal actor para os demais pero un actor magnífico para sí mesmo e todo o espectáculo debe organizarse de tal xeito que os nenos perciban que representan para sí mesmos. O premio máis alto debe residir na satisfación que os propios nenos experimenten pola preparación do espectáculo (disfrazarse, pintarse...) e non polo éxito e polo aplauso dos maiores.

20 de Novembro DÍA INTERNACIONAL DOS DEREITOS DOS NEN@S

2011-11-20T14:47:00.001+01:00

Música relaxante para durmir e outra máis movida

2011-11-17T16:44:00.001+01:00

SENTIMOS A MÚSICA

2011-11-15T23:07:00.001+01:00

Estamos iniciando un novo proxecto: "Sentimos a música"
De momento o que fixemos foi falar respondendo ás preguntas: Que é a música?Donde hai música?Como podemos facer música?
Fixemos música co noso corpo e buscamos pola clase obxectos que produciran música.

Con Érika, alumna de prácticas imos facer instrumentos musicais xa que ela ten que facer un traballo sobre os cotidiáfonos.
Os cotidiáfonos son instrumentos sonoros realizados con obxectos e materiais de uso cotián, de sinxela construcción, que producen sons mediante simples mecanismos: frotar, sacudir, raspar, beliscar…

E para que vexades o que se pode facer con vexetais mirade o seguinte vídeo:

Outro vídeo para disfrutar:

Regletas

2011-11-11T18:02:00.001+01:00

Pinchando na imaxe podes comezar a xogar.

Regletas Cuisenaire

2011-11-11T17:10:00.001+01:00

As regletas Cuisenaire ou números de cor, son un material matemático destinado a que os
nenos e nenas aprendan a composición e descomposición dos números e se inicien
nas actividades de cálculo, sobre unha base manipulativa e visual.

O material consta dun conxunto de regletas de dez tamaños e cores diferentes. A lonxitude das mesmas vai de 1 a 10 cm. Cada regleta equivale a un número determinado.
Nosoutros estivemos xogando coas regletas para familiarizarnos con elas. Fixemos figuras, comparamos tamaños...Tamén fixemos unha ficha pintándo cada regleta coa súa cor.

2011-11-09T23:33:00.000+01:00

Mazá con sorpresa!

2011-11-08T18:47:00.001+01:00

A esta mazá do outono saiulle un verme moi larpeiro!

Retratos estilo Arcimboldo

2011-11-08T17:54:00.002+01:00

Despois de estar vendo na pizarra dixital cadros do pintor Arcimboldo, empezamos a traballar nas nosas composicións. Coloreamos coas ceras moitas froitas e recortámolas.
Cada neno/a foinas colocando como quixo no seu retrato de perfil.

ARCIMBOLDO

2011-11-05T20:51:00.002+01:00

OS RETRATOS DE ARCIMBOLDO
O pintor Arcimboldo (1530-1593) naceu en Milán. É coñecido por inventar un retrato no que os rostros están compostos básicamente por flores, froitas e outros vexetais, así como de otros elementos inertes. Os cadros máis coñecidos son os das catro estacións, nos que cada pintura está representada por froitas e obxectos típicos da estación representada. Con estas pinturas Arcimboldo pretendía simbolizar ademais das estacións, as diferentes etapas da vida.

OUTONO

Ensinar e traballar este pintor na aula pode ser moi divertido e emocionante.
Unha actividade divertida é recortar froitas e verduras de revistas y despois crear os nosos retratos.

MAGOSTO

2011-11-04T17:38:00.000+01:00

Para celebrar o magosto esta semana fixemos unha viseira - castaña, fixemos uns bolsos para meter as castañas e tamén fixemos uns libriños con palabras relacionadas co magosto.

Hoxe foi o día da festa. Comemos castañas na clase. Estaban boísimas!. Despois saímos ao patio a participar nos xogos que nos preparou o profesor de Educación Física.

Pasámolo moi ben.

A letra "a"

2011-11-03T18:31:00.001+01:00

Está claro que "todos aprendemos de todos" como dixen moitas veces. Onte fixemos por primeira vez a letra "a" minúscula. Dísenlles que se trataba dunha letra moi difícil, e non sei se sería por iso que todos puxeron moito interés en aprendela. E como a Óscar lle sae perfecta hoxe repartía clases particulares.

Estaba moi simpático!

Castelo terrorífico

2011-10-29T10:59:00.000+02:00

O noso castelo esta semana encheuse de arañas que van tecendo as súas teas, e tamén de pantasmas, e bruxas...

Celebramos o Samaín

2011-10-28T22:02:00.000+02:00

Así de guapos aparecemos hoxe no cole para celebrar o Samaín.

Fomos celebralo á BIBLIOTECA BibloCaxado

1º contamos un conto:

Despois cantamos e bailamos.

E por último vimos unha peli:

Mandala de outono

2011-10-28T21:40:00.000+02:00

O vindeiro 1 de novembro celébrase en As Pontes a Feira de Fungos e Cogumelos, tamén estará a exposición de traballos do Concurso de micoloxía, e alí poderemos ver o noso traballo: "Mandala de Outono"

2011-10-26T23:46:00.001+02:00

Hoxe fomos a Biblioteca despois do recreo para decorala coas nosas pantasmas. Podedes visitar o blog BibloCaxado

Contos de medo

2011-10-26T23:25:00.001+02:00

O castiñeiro

2011-10-25T22:15:00.000+02:00

Todo o alumnado do colexio colabora no almanaque do ano 2012 por medio dun concurso convocado pola Aula de Medio Ambiente. Á nosa clase tocounos o mes de Outubro, e como o lema son "As árbores" pois estudiamos o CASTIÑEIRO. Así quedou o noso traballo:

Rock do Samain

2011-10-25T21:48:00.000+02:00

Esta semana estamos preparándonos para o Samaín. Falamos dos medos decoramos a clase e a Biblioteca e tamén bailamos e cantamos cancións relacionadas con este tema.Hoxe na clase de música con Marita bailamos o Rock do Samaín.

Premio Príncipe de Asturias. Howard Gardner. Intelixencias múltiples

2011-10-23T13:09:00.000+02:00

Howard Gardner recibiu o Premio Príncipe de Asturias de Ciencias Sociais 2011.As súas investigacións resultan decisivas para a evolución do modelo educativo ao tomar en consideración as potencialidades innatas de cada individuo. Teoría De Las Inteligencias Múltiples De Howard Gardner

View more presentations from Mayra Fumerton

Creatividade

2011-10-23T12:53:00.001+02:00

Carmen González en una tiza y tú con esta presentación fai unha reflexión sobre a creatividade.

Creatividad

View more presentations from Carmen González

Debuxos do castelo de Moeche

2011-10-21T00:20:00.002+02:00

Visita oa castelo de Moeche

2011-10-21T00:04:00.004+02:00

Estábamos desexando que chegara o día de visitar un castelo e por fin chegou. Onte acompañados por pais, nais, avó, irmán, profe...montamos no autobús camiño de Moeche. Alí atopamos un castelo moi grande cunhas ventás estreitiñas, almeas, patio de armas, paseo de ronda, torre do homenaxe, foxo...(Todo isto saiu na asamblea que fixemos hoxe).

O baño na Idade Media

2011-10-20T23:21:00.004+02:00

Na Idade Media bañábanse pouco, unha ou dúas veces ao ano.
Quentaban a auga e bañábanse nunha tina.
Nosoutros tamén quixemos probar.

Pratería

2011-10-20T23:01:00.001+02:00

As damas do castelo fan colares de prata

Canción: "Os tres alpinos"

2011-10-17T21:39:00.008+02:00

Eran tres alpinos que venían de la guerra (2)
Ría, ría, rataplán
Que venían de la guerra.
El más pequeño traía un ramo de flores (2)
Ría, ría, rataplán
Traía un ramo de flores.
Y la princesa estaba en la ventana (2)
Ría, ría, rataplán
Estaba en la ventana.
Pequeño alpino regálame esas flores (2)
Ría, ría, rataplán
Regálame esas flores.
Te las daré si te casas conmigo (2)
Ría, ría, rataplán
Si te casas conmigo
Para casarme has de hablar con mi padre (2)
Ría, ría, rataplán
has de hablar con mi padre
Oh Señor rey, quiero casarme con su hija (2)
Ría, ría, rataplán
Quiero casarme con su hija
Largo de aquí o te mando fusilar (2)
Ría, ría, rataplán
o te mando fusilar
Yo no me voy si no es con la princesa (2)
Ría, ría, rataplán
Si no es con la princesa
Al día siguiente moría fusilado (2)
Ría, ría, rataplán
Moría fusilado
Y la princesa también murió de pena (2)
Ría, ría, rataplán
También murió de pena
Y el señor rey se fue a morir a China (2)
Ría, ría, rataplán
se fue a morir a China

Praxias do outono

2011-10-13T22:05:00.001+02:00

De Aula virtual de audición y lenguaje

Switch Zoo

2011-10-13T21:22:00.008+02:00

No blog Falando enténdese a xente atopei este xogo de crear animais fantásticos mesturando partes de outros animais. É moi divertido. Despois de crealos os nenos/as poden describilos, poñerlles nome...

Xogo simbólico

2011-10-13T18:11:00.002+02:00

A xulgar por estas caras parece que a construcción non está tan en crise...

Defensa dos castelos

2011-10-11T18:08:00.006+02:00

Xa sabemos que os señores dos castelos declarábanse a guerra entre eles para quedarse coas terras.
Os cabaleiros levaban espadas. Tamén levaban escudos.
Investigamos o escudo que se correspondía co noso apelido.
O noso escudo de armas atopámolo en Internet na páxina de Heráldica.

Aquí estamos fabricando
as nosas espadas
e os nosos escudos.

Escola pública de tod@s para tod@s

2011-10-06T00:56:00.003+02:00

Para apoiar a escola pública este vídeo que comparte Aula Tic

Productos do horto

2011-10-05T22:08:00.005+02:00

No horto atopamos : calabacíns, tomates e pimentos. Non sei como colleitamos algo despois dun verán seco e sen regar nada.

Personaxes do castelo

2011-10-05T21:42:00.003+02:00

Os personaxes do castelo para o libro que estamos facendo son estos: REI SISEBUTO, PRINCESA LUCRECIA, CABALEIRO, BUFÓN...

Antía Cal, "Chairega de Honra"

2011-10-02T22:17:00.017+02:00

Onte foi un día emocionante por ter a sorte de asistir a un acto, organizado pola Asociación Cultural Xermolos e a Irmandade Manuel María, no que se nomeaba a Antía Cal “Chairega de Honra”.

Antía Cal dedicou a súa vida a educación. Viaxou por Europa e coñeceu as correntes pedagóxicas máis importantes. Fundou no ano 1961 o colexio bilingüe Rosalía de Castro en Vigo dónde levou adiante todo o que aprendera. Unha escola laica, mixta, bilingüe (co inglés como segundo idioma desde o parvulario), na que primaba o respecto ao alumno, e cunha didáctica activa na que mestres, pais e alumnos participaban do proxecto pedagóxico. Unha escola en contacto estreito cos novos movementos de renovación pedagóxica, coma a Escola de Mestres Rosa Sensat de Cataluña, liderada por Marta Mata.

Neste acto interviron: Avelino Pousa Antelo, Xosé Neira Vilas, Carmiña de Soutomaior, Xosé Manuel Beiras,...

Tamén houbo un xantar de irmandade e un concerto de Mini e Mero.

Unha das cancións interpretadas foi "Ai Amor", poema de Xosé Neira Vilas adicado á súa muller Anisia Miranda.

Somos alfareiros

2011-10-01T01:43:00.002+02:00

Xa levamos dúas sesións traballando o barro. Estamos facendo unha vaixela para a comida medieval. Facemos pratos e vasos.

As árbores do noso patio

2011-09-30T23:48:00.004+02:00

Sabemos que chegou o outono e queremos saber qué pasa nesta estación. Saímos ao patio e estivemos observando as distintas clases de árbores: acivros, castiñeiros, maciñeiras.... De momento todas as árbores teñen follas, eso que tamén hai moitas polo chan. Collimos castañas, mazás, landras.

Estas fotos que fixemos pensamos comparalas coas que sacaremos dentro dun mes ou dous. Atoparemos cambios?.

A princesa está triste...

2011-09-26T16:49:00.004+02:00

Despois de escoitar e ver a Sonatina de Rubén Darío comentámola:
- Había unha princesa que tiña o pelo longo. (Noa)
- Tiña os ollos redondos e azuis. (Daniel)
- A princesa estaba triste, afogábase nas lágrimas. (Lara)
- As flores tamén choraban. (Xulián)
- As lágrimas da princesa facían un charco. (Miguel)
- Un bufón saltaba para facer rir á princesa pero non ría, choraba. (Andrea)
- Estaba triste porque quería casarse cun príncipe. (Érika)
- O príncipe chegou nun cabalo con ás. (Óscar)
- Soaba a guitarra. (Mateo)
- Casáronse o príncipe e a princesa. (Érika)
- E bailaban. (Andrea)

Os tres bandidos

2011-09-20T21:40:00.026+02:00

Os tres bandidos" é unha adaptación realizada por Tomy Ungerer dun clásico da literatura infantil contemporánea traducida a máis de trinta idiomas.

Este conto transmítenos emocións contrapostas donde
se mezcla o medo, e a tenrura.

Cóntanos a historia de tres bandidos que non facían outra cosa máis que roubar e atemorizar aos demais, ata que coñeceron unha nena orfa que lles cambiará a vida para sempre.
Nas clases de infantil é un conto que ten moito éxito.
Están moi graciosos os efectos especiais do son. Unha forma tan sinxela de facer sons coa boca.

Falando dos castelos

2011-09-20T21:21:00.001+02:00

Hoxe aprendemos moitas cousas dos castelos con Xulián. Traía moita información da súa casa. Falounos do foso, da ponte levadiza e tamén do que se comía nos castelos e cómo se divertían. Estamos encantados con todas as familias porque todas se implican moito. O noso proxecto vai medrando día a día. Estamos todos moi motivados.

Tamén acabamos de pintar e repasar as pedras do castelo coas dúas torres.

Canción do castelo

2011-09-20T11:29:00.001+02:00

Os castelos

2011-09-19T20:06:00.020+02:00

Esto dos blogues é unha marabilla porque compártense cantidade de ideas, actividades...Neste momento teño que darlle as grazas a Ana de AulaTic que vendo que estamos co proxecto dos castelos informoume deste libro Lim que está precioso con debuxos feitos polos nenos.

Castles

2011-09-19T00:11:00.002+02:00

No blog da profe de inglés tedes un vídeo dos castelos. Castles

Un vídeo de castelos

2011-09-16T22:30:00.000+02:00

Facendo castelos

2011-09-16T16:23:00.008+02:00

Estamos decorando a clase para este proxecto e xa se vai notando ao entrar de que vai o tema.
Cada día chegamos ao cole con máis información que buscamos nas nosas casas cos papás, mamás,...Na asamblea sentímonos moi importantes porque todos nos escoitan e miran o que traemos.
No encerado facemos castelos, construimos as ameas seguindo as ordes: arriba, dereita, abaixo, dereita, arriba... Imos aprender moito.

Cabaleiros e castelos

2011-09-15T23:47:00.017+02:00

Lara recomendounos na asamblea esta páxina que atopou coa súa mamá e que é moi interesante e nos ensina moitas cousas dos castelos.

Novo proxecto

2011-09-15T16:12:00.002+02:00

O pasado fin de semana tivemos unha Feira Medieval aquí en As Pontes. Todos estaban vestidos coma na Idade Media, Había peregrinos, cabaleiros, artesáns,...

Na asamblea decidimos o novo proxecto: OS CASTELOS.
Queremos investigar:
- Quen vivía nos castelos?
- Que partes ten un castelo?
- Quenes eran os cabaleiros e as damas?
- Cales eran os sistemas de defensa dun castelo?
- ….
Para comezar, onte mandamos unha carta ás familias e hoxe xa apareceron algúns nenos e nenas con información para presentar na asamblea.

O noso rincón de información xa vai collendo forma:

ABC...

2011-09-14T16:10:00.005+02:00

CON ESTE VÍDEO REPASAMOS AS LETRAS DO ABECEDARIO.

1º Día de curso

2011-09-12T15:24:00.004+02:00

Hoxe, o primeiro día de curso, despois de saúdarnos, bicarnos e inspeccionar esta clase nova, fixemos unha asamblea para contarnos moitas cousas.
Case no nos dá tempo, falamos de viaxes, festas, praia, piscinas, parques, o accidente de Xulián...
Moitos acompañaban a súa historia con documentos gráficos, (fotos, apuntes ...) Poñeremos todo nun mural para repasar estas historias tan interesantes.

Preparados para comezar!

2011-09-03T21:13:00.015+02:00

Comezamos un novo curso coas pilas cargadas e moita ilusión.

De momento estamos so os mestres, preparando as clases,
- colocando mesas, limpando monecos e cacharriños,
- creando espacios dónde os nenos/as podan moverse, aislarse, construír, explorar, experimentar, expresarse, traballar en grupo e individualmente...

Dentro duns días compartiremos todo esto cos nosos nenos e nenas.

Encheranse as clases de voces, risas, algún choro, ...

Seguro que todos temos moitas ganas de vernos e de contarnos cousas.

O vindeiro mércores, día sete, teremos a Reunión de pais/nais ás 11:30 na clase de catro anos.

As clases comezarán o día 12. Será unha presentación de 10 a 11:30.

CAMPAÑA PARA A CONCIENCIACIÓN DO AUTISMO

2011-08-30T22:05:00.006+02:00

O blog de Ana AULA TIC nos da a coñecer o blog La princesa de las alas rosas dónde se informa que o doce de setembro lanzarán unha campaña para concienciar á sociedade para un tratamento digno do autismo.

Trátase dunha campaña que un grupo de pais, nais e profesionais puxeron en marcha para axudar a desmitificar o autismo e darlle á palabra un uso adecuado, por iso necesitan que todo o que teña blog ou páxina web e quera sumarse á campaña, os axude a difundila.

Máis información: http://autismosinmitos.blogspot.com/

Bebés: a imaxinación ao poder

2011-08-18T00:26:00.006+02:00

Eduard Punset entrevista á psicóloga Alison Gopnik sobre todo o que estamos aprendendo do marabilloso cerebro dos nosos bebés.

Premio

2011-08-11T16:23:00.012+02:00

Temos unha amiga que sempre nos visita, Ana, do blog Aula Tic, e hoxe comparte con nós este premio que recibiu. Moitas grazas Ana por acordarte de nosoutros.
Unha condición que leva este premio e dicir algo de min mesma. Eu prefiro falar do grupiño de nenos e nenas de Educación Infantil que me acompañan nesta andadura e que son a materia prima por excelencia. Queremos ter unha escola aberta e ter a sensación de que en calquer momento podan pasar cousas interesantes: acontecimentos sociais, virtuais, culturais, sentimentais...unha escola que parta do desexo de saber innato no neno/a. Que eles mesmos elixan os proxectos que interesa investigar, coa axuda imprescindible de tódalas familias.
Cando surxe un interés no grupo de nenos e nenas miramos, curioseamos, preguntamos.... TODOS/AS APRENDEMOS DE TODOS/AS

Quero compartir este premio con tódolos blogues amigos que visito e que me visitan.

Feira do libro da Coruña

2011-08-09T19:46:00.008+02:00

A semana pasada estiven na feira do libro na Coruña. Vin moitos libros que me encantaría ter na nosa biblioteca. No stand da librería AENEA tiven a sorte de falar con Lola Puerta que me mostrou un montón de novidades.

Puiden ter nas miñas mans CUENTOS SILENCIOSOS en formato POP- UP de Benjamin Lacombe.

E xa que estamos no verán recordamos o conto LA OLA de Suzy Lee ilustradora coreana que gañou importantes premios. Neste suxerente libro sen palabras cóntanos a historia dunha nena nun día de praia.

Tal pai, tal fillo.

2011-08-03T00:18:00.002+02:00

"Si ti les, el le"

DÍA DOS AVÓS

2011-07-26T21:28:00.007+02:00

"Para a educación dos nenos e nenas fai falta toda a tribu e nun lugar moi importante están os AVÓS con toda a súa sabiduría"

CÉLULA CREATIVA

2011-07-16T20:19:00.002+02:00

A VERDADEIRA CREATIVIDADE ESTÁ EN TI.

Nova alfabetizacion dixital

2011-07-16T19:30:00.004+02:00

No blog EDUCACIÓN Y T.I.C. de Domingo Méndez (participou no Educaparty na cidade das Artes e das Ciencias de Valencia) atopei esto sobre a alfabetización dixital.

Nueva alfabetizacion digital

View more presentations from Domingo Méndez

Último día de cole

2011-06-23T21:05:00.005+02:00

O último día xuntámonos con todos os alumnos/as de Infantil e de Primaria e bailamos e xogamos un pouco.

Despedímonos ata setembro. Boas Vacacións!!!

Equilibrio

2011-06-23T21:04:00.004+02:00

Cada neno e cada nena pasea cun saquiño de area na cabeza. Temos que manter o equilibrio. Chegaremos á meta sen que nos caigan?

Aberto por vacacións

2011-06-19T22:56:00.013+02:00

No blog http://casadetolos.nireblog.com/ atopei este conxunto de actividades, unha proposta que dende a Junta de Castilla y León fan para este verán.

Pintando o Planeta Terra

2011-06-18T23:33:00.002+02:00

Por que os osos panda son blancos e negros?
Cando estaban pintando o mundo algún tiña que despistarse, non si?

COLLAGE

2011-06-18T01:09:00.003+02:00

Estamos acabando o curso e seguimos así de concentrados no traballo.
Claro que o resultado vale a pena!

Visita á aula de Tecnoloxía

2011-06-17T23:36:00.013+02:00

O equipo de científicos tivemos a sorte de ser invitados polo profe Daniel a visitar a aula de tecnoloxía.
Onte, cando chegamos, xa nos estaba esperando cos seus alumnos/as.
Foron moi amables e cariñosos con todos nosoutros e nos explicaron un montón de cousas.
Todas as cousas que vimos estaban feitas polos alumnos/as:

- Coches con mandos que tanto nos gustaron.

- O disco de Newton cas sete cores do arco da vella que ao facelo xirar chegamos a ver a luz branca.
- Circuitos eléctricos.
- Interruptores.

- Ferramentas
...................

Dámoslles as gracias por tratarnos tan ben. Moitas gracias!!!

O PEIXE ARCO IRIS

2011-06-15T23:22:00.003+02:00

Andrea trouxo á clase este vídeo do conto que representamos no Nadal. Eu xa publicara fotos pero pensei que vos gustaría velo porque está simpático.

PREMIO SHUNSINE-AWARDS

2011-06-15T21:24:00.006+02:00

Ana do blog: "AULA TIC" nos envía este premio que ten por obxectivo fomentar a unión e os nexos de contacto entre os blogueiros da blogosfera. As bases do premio establecen que para ser aceptado, ten que publicarse unha entrada no blog agradecendo a quen o entrega e dar o premio a outros doce blogs amigos.
Eu doulle as grazas a Ana por visitar o meu blog e polos seus comentarios tan cariñosos.

Entrego o premio aos seguintes blogs:

http://mylittlepencilcase.blogspot.com/

http://pequenicos.blogspot.com/

http://moeche.netne.net/

http://cousasdepeques.blogspot.com/

http://quehacemoshoyenelcole.blogspot.com/

http://omeucurruncho-paco.blogspot.com/

http://onosomoucho.blogspot.com/

http://galocaxado.blogspot.com/

http://sonandocuentos.blogspot.com/

http://bibliotecadeloselefantes.blogspot.com/

http://coledelafantasia.blogspot.com/

http://coledecolores.blogspot.com/

O noso horto

2011-06-14T22:04:00.004+02:00

De cando en cando imos mirar como medra a nosa plantación. As leitugas coméronas os caracois, os pimentos van bastante ben, pero o que nos está deixando alucinados son os calabacíns, que están enormes, con flores, e xa se ve o froito que se vai formando. Ah! tamén temos pexegos, medrarán ata a volta das vacacións.

Reloxo de sol

2011-06-14T21:43:00.004+02:00

A clase dos científicos, con platos de cartón e palliñas, fixemos uns reloxos de sol con todos os números. Despois saímos ao patio para averiguar a hora solar.
Tamén foi moi divertido mirar por uns periscopios que nos deixaron os nenos/as de primeiro. Éramos capaces de ver cousas que, se non fora polo periscopio, quedaríannos demasiado altas.

Cocorico

2011-06-13T22:20:00.002+02:00