DISFRUTEMOS DA MÚSICA

SHADOWS. SOMBRAS

MÚSICA. INTERPRETACIÓN ORIXINAL

 

 

O PODER DA MÚSICA

Silly Symphony - Flowers and Trees

DÍA DA POESÍA

FRASES CÉLEBRES SOBRE POESÍA

A historia conta o que sucedeu; a poesía o que debeu suceder. Aristóteles

É imposible traducir a poesía. ¿Acaso pódese traducir a música? Voltaire
O amor é a poesía dos sentidos. Honoré de Balzac

MERCADO PERSA

Xa temos elexido o tema do entroido. Este ano imos formar entre todos os cursos un mercado persa. A idea saiu de Marita, a profe de música, pensando nunha peza musical do compositor inglés  Ketelbey e que lles encanta a todos os nenos e nenas. O compositor intentou pintar con música o bullicio dun mercado de Bagdad.

A obra componse de dez cadros, fáciles de recoñecer:
Cadro 1: Chegan os mercaderes cos seus camelos.
Cadro 2: Pobres pedindo esmola.

Cadro 3: Aparece a princesa co seu séquito.
Cadro 4: Xuglares e saltimbanquis saltan, fan piruetas xirando arredor da plaza
Cadro 5: Oense aos encantadores de serpes

Cadro 6: O califa pasa solemne co seu séquito, silencio...
Cadro 7: Outra vez os pobres.

Cadro 8: A princesa  prepárase para saír.
Cadro 9: Os camelos continúan o seu camiño e a xente vaise indo.
Cadro 10: O mercado perde animación, a música é cada vez máis suave. Todos se van , coincidindo cos acordes suaves, secos. A obra acaba cun acorde forte. 

De aquí ao Entroido ademáis de ir confeccionando os traxes tamén imos transformar a nosa clase nun mercado persa.

Haberá princesas, califas, encantadores de serpes, saltimbanquis, vendedores de alfombras,....etc.

MUSIC PAINTING

AS NOSAS CAIXAS

Recordades unhas caixas?. Pasámolo moi ben con elas. Primeiro decorámolas (pintándoas, pegandolles papeliños, etc). Despois cada neno e nena elexiu o personaxe que quería ser e presentábase co son da súa caixa.
 Finalmente inventaron un conto entre todos. A que vos gusta?

Conto musical: "Pedro e o lobo"

"Pedro e o lobo"

Asocia os sons dos instrumentos cos movementos dos animais.

 Pincha na imaxe

  ;

O lago dos cisnes

Bailarines ou acróbatas? Fantástico!

ALEGRÍA

Onte tiven a sorte de asistir ao gran espectáculo do Circo do Sol en Santiago.  (Alí estábamos Oliva e máis eu en primeira fila gracias a que alguén que lle interesaba máis o fútbol nos vendeu as entradas).  Encantoume todo: música, vestuario, pallasos, .... Saes do circo aínda sumerxida nun mundo de fadas, magos e criaturas fantásticas. Non pode describirse con palabras, hai que velo!
ALEGRÍA fai moita falta para os tempos que corren!



A canción está en tres idiomas. Esta é a parte en español:
Alegría
 Como la luz de la vida
 Alegría 
Como un payaso que grita
 Alegría
 Del estupendo grito
 De la tristeza loca
 Serena
 Como la rabia de amar
 Alegría
Como un asalto de felicidad.

Escoitemos estes sons.

Escoitemos os sons producidos por estes obxectos ao chocar, ao caer ou rozar una cos outros. Neste anuncio non hai máis sons que os producidos poe estes obxectos.

CAIXAS

Todos temos unha caixa, Como queremos que sexa a nosa caixa? Ímola personalizar, decorala ao noso xeito. Temos á nosa disposición papeis, teas, pinturas, gomets,....tesoiras, pegamento, brochas...
Xa pensamos algunha actividade para cando estén listas.
 Mans á obra!

Os instrumentos musicais

Conto: "Un rato no piano"

Bemol Pispante é un rato. Él ama a música e por iso vive nun piano. O resto dos ratos que viven na casa no o entenden e pensan que está loco porque podería ser descuberto polo propietario do piano...

Ensinamos a portada do libro e preguntamos aos nenos e nenas qué ven , qué pasará nese conto:

-      Vexo un  rato e outro rato detrás do piano. (Miguel)

-      O rato está tocando o piano. (Andrea)

-      Vexo letras. (Noa)

-      Un ratiño está sentado no piano. (Daniel)

-      Son bloques. (Óscar)

-      Chámanse teclas. (Daniel)

-      Teclas do piano. (Mateo)

-      O rato está nun piano porque ten estas teclas negras e brancas. (Xulián)

-      Estará tocando. (Mateo)

-      Ou descansando. (Érika)

-      Pode estar correndo por enriba do piano. (Xulián)

-      Ou pensando. (Óscar)

-      Está oscuro. Están un pouco tristes. (Miguel)

.......

O teatro na Educación Infantil: O neno é un mal actor para os demais pero un actor magnífico para sí mesmo e todo o espectáculo debe organizarse de tal xeito que os nenos perciban que representan para sí mesmos. O premio máis alto debe residir na satisfación que os propios nenos experimenten pola preparación do espectáculo (disfrazarse, pintarse...) e non polo éxito e polo aplauso dos maiores.

Música relaxante para durmir e outra máis movida

SENTIMOS A MÚSICA

Estamos iniciando un novo proxecto: "Sentimos a música"
De momento o que fixemos foi falar respondendo ás preguntas: Que é a música? Donde hai música? Como podemos facer música?
Fixemos música co noso corpo e buscamos pola clase obxectos que produciran música.

Con Érika, alumna de prácticas imos facer instrumentos musicais xa que ela ten que facer un traballo sobre os cotidiáfonos.
Os cotidiáfonos son instrumentos sonoros realizados con obxectos e materiais de uso cotián, de sinxela construcción, que producen sons mediante simples mecanismos: frotar, sacudir, raspar, beliscar…  

E para que vexades o que se pode facer con vexetais mirade o seguinte vídeo:

 

Outro vídeo para disfrutar:

Concerto

Hoxe asistimos a un concerto de violíns e violonchelos. Os músicos eran profesores do Conservatorio Municipal e alumnos do colexio. Fixéronno de marabilla!.